樂融雅敘 (Closed)

幾年前已經知道呢度係一間社會企業，位於體育館內，位置唔算難搵，沿住歌和老街公園行上黎就係。今日主要入黎飲杯嘢，食少少輕食就算。檸檬雪碧（$16，後），奶茶紅豆冰（$26，前）檸檬雪碧冇乜嘢好評價啦，反而想提下呢杯奶茶紅豆冰，茶味濃、紅豆又煲得夠淋，而且奶茶本身唔係好甜，紅豆可以混和奶茶嘅味道，唔錯。蝦多士（4件，$30）蝦多士細細件，一口一件，但老實講略嫌油膩，兩個人分就剛剛好，一個人食會幾油。論食物質素呢度算中等質素，不過黎得呢度，除左貪佢人少少坐得舒服外，支持一下社會企業都唔錯。