半島漁港/阿翁火鍋館

Open Now

Now Closed

海鮮酒樓來來去去都係供應嗰啲貨色，有時真係想自己去街市海鮮檔買。但係買咗又冇咁嘅條件同埋能力，去煮得好食，攞去酒樓加工係一個選擇。難得呢啲商場酒樓都肯做，感覺幸福，唔使再走過去鯉魚門俾人劏，或者去觀塘舊區了。今次喺大本營街市買，攞上去整。簡單的陳皮蒸泥鯭，大師傅整到啱啱好，唔太熟、唔太生，用匙羹一推就成塊肉離骨起⋯ 喺屋企我永遠都整唔到。上湯龍蝦米粉底，自己根本冇可能整到呢個又霖又脆嘅米粉。要食得不一樣，交俾師傅做啊，加工費肯定係平過鯉魚門村。