千燒居

Open Now

Now Closed

之前講過粉嶺聯和墟都有好多嘢食，呢間都係我嘅口袋名單之一，最近去過兩次都食唔到有點失望，第一次撞正星期日原來佢休息冇開門，第二次去冇位，今次去行到側門見佢仲未開門，以為又食唔到，行到正門老細啱啱行出黎開門，真係要三顧草廬先得😂店內嘅環境唔大，得10個座位到，真真正正嘅小店。午餐有A-F餐，我叫咗個E餐：紐西蘭肉眼扒意粉 $78可選擇茄汁或者燒汁，我麻麻地燒汁，所以叫咗個茄汁。上到枱，大大塊肉眼扒，仲好有心機咁切好，抵讚。肉質非常好夠嫩又juicy, 整塊肉眼冇多餘嘅筋位，全部都可以輕易入口，誇張啲講無牙都食到😂😂茄汁意粉係有炒過嘅，加埋啲洋蔥粒好香，好味呀😋😋食完午餐如果仲未飽仲可以叫小食，燒物咁。呢間可以再嚟。