囍源古早蛋糕 (Closed)

今日去咗深水埗，經過一間古早蛋糕店，行過聞到陣陣蛋糕香味，原來係一間賣台灣古早蛋糕店 - 囍源💛香港人當然支持返咁有愛嘅香港良心小店啦💛就買咗兩個蛋糕返屋企食。呢間正宗古早蛋糕低糖少油，而且味道非常之多，多達150多種味道，我都有啲選擇困難😂最後揀咗一個巨無霸3層芝士肉鬆，另一個係芋泥。▪️ 巨無霸3層芝士肉鬆面層佈滿肉鬆，下面嗰幾層嘅芝士蛋糕鬆軟軟熟，食落鹹鹹甜甜咁幾好食😋▪️ 芋泥芋泥嘅味道好香，而且呢個蛋糕嘅口感比芝士肉鬆更加鬆軟軟熟，食落仲帶有少少甜，但同樣好食。囍源做出嚟嘅古早蛋糕，真係好用心💛去做，佢哋係堅持用正宗古早蛋糕嘅做法「水浴法」去做，會比較花時間去做，需要2-3個鐘頭先做到，唔係一般所謂嘅古早蛋糕只用45分鐘就做到。正宗嘅古早蛋糕係唔會做到燶邊燶底，餡料不平均，大家要識得分真假啊。