紅椒力量

Open Now

Now Closed

紅椒力量一直係我嘅飯堂，選擇多同埋抵食。晚市提供多款套餐，仲有雙人套餐提供，套餐包埋餐湯同嘢飲，選擇都幾多下。凍檸茶同凍奶茶，好大一杯，茶底好香，好飲。餐湯揀咗羅宋湯，湯底飲落出少少檸檬味，應該加咗檸檬豐富咗調味，唔錯。扒餐送埋餐包同牛油，餐包送上來熱笠笠，OK。雙拼扒餐揀咗西冷牛扒同鰻魚（半條），半份鰻魚都幾大下，有成塊巴掌咁大。西冷牛扒好大一件，食落唔會好鞋，牛肉味都好重，就哩個價格黎講，質素算好好。伴碟仲有薯菜同埋意粉，成份大到一個女仔都食唔曬，抵食。XO醬海鮮炒烏冬，哩份小炒幾有鑊氣。海鮮種類好豐富，有蝦，青口，墨魚仔同魚糕。烏冬食落勁彈牙，XO醬比得都幾多，每一啖烏冬都嗦曬XO醬，好味。哩間鋪頭係紅磡做咗好多年，都係街坊幫襯，唔錯。