Video
Read full review
2014-05-26
1126 views
作為一個土生土長嘅香港人，支持街坊式食肆是常識吧其實我自己本身都比較鍾意去非連鎖式嘅餐廳、茶記～～就好似西灣河太安樓咁，裡面絕大部份嘅店都係普通市民自己一手一腳開嘅其中有好幾家店仲係我嘅由細（十幾歲）就鍾意去嘅添！今次要介紹嘅店，係一家由一個家三口開嘅壽司店～雖然舖頭位置唔顯眼、店舖面積非常小，不過食物嘅品質就有保證！其實本來仲有個豬軟骨飯，不過因為太餓唔記得咗影....如果要食飯，呢間嘅豬軟骨真係試得過！ 個人認為比起出面嘅連鎖店，佢做得更有心（好多倍）：啲豬軟骨真係煮到入口即溶、個汁濃而不膩而且咸淡適中！之後就到我好幾個月無食嘅剌身～～今次叫咗個大嘅雜錦剌身拼盤：三文魚、吞拿魚、劍魚腩、八爪魚、立魚、甜蝦仲有海膽！所有食材都俾到你「好新鮮」嘅感覺，尤其係如果海膽一唔新鮮真係會好難食～另外一樣必食就係劍魚腩～個人最鍾意佢入口時嘅果種油甘，魚油滿佈口腔內，正！ 之後就輪到壽司出場！第一輪有池魚、醋青魚、希靈魚咁啱三樣都響同一碟，又咁啱除咗「新鮮」之外都無乜評語（因為無乜特別）不過三樣當中我比較鍾意醋青魚 火炙三文魚腩、蟹籽我由細到大都好鍾意食蟹籽～可能因為覺得佢響嘴裡面「卜卜」咁
其實我自己本身都比較鍾意去非連鎖式嘅餐廳、茶記～～
就好似西灣河太安樓咁，裡面絕大部份嘅店都係普通市民自己一手一腳開嘅
其中有好幾家店仲係我嘅由細（十幾歲）就鍾意去嘅添！
今次要介紹嘅店，係一家由一個家三口開嘅壽司店～
雖然舖頭位置唔顯眼、店舖面積非常小，不過食物嘅品質就有保證！
其實本來仲有個豬軟骨飯，不過因為太餓唔記得咗影....
如果要食飯，呢間嘅豬軟骨真係試得過！
個人認為比起出面嘅連鎖店，佢做得更有心（好多倍）：
啲豬軟骨真係煮到入口即溶、個汁濃而不膩而且咸淡適中！
之後就到我好幾個月無食嘅剌身～～今次叫咗個大嘅雜錦剌身拼盤：三文魚、吞拿魚、劍魚腩、八爪魚、立魚、甜蝦仲有海膽！
所有食材都俾到你「好新鮮」嘅感覺，尤其係如果海膽一唔新鮮真係會好難食～
另外一樣必食就係劍魚腩～個人最鍾意佢入口時嘅果種油甘，魚油滿佈口腔內，正！
之後就輪到壽司出場！第一輪有池魚、醋青魚、希靈魚
咁啱三樣都響同一碟，又咁啱除咗「新鮮」之外都無乜評語（因為無乜特別）
不過三樣當中我比較鍾意醋青魚
火炙三文魚腩、蟹籽我由細到大都好鍾意食蟹籽～可能因為覺得佢響嘴裡面「卜卜」咁好得意？
其實通常食蟹籽壽司都唔會太「危險」，因為蟹籽都可以難食嘅話果間店執硬啦？
所以蟹籽方面就唔多講，今次係講佢嘅紫菜～
無論係手卷定軍艦，紫菜都係好影響「生死」嘅關鍵所在！
今次試壽司屋嘅蟹籽軍艦，果然無令我失望！（如果係到咗之後好耐先食就唔好怪人啦～）
雖然對我而言佢唔係要俾「必食」、「推介」嘅地步，不過佢嘅用料真係一啲都唔馬虎！
泥到之後好快我就放入口，個紫菜仲係脆嘅～唔似啲連鎖店咁好似受咗潮咁....
另外，蟹籽份量好足，出面好難食到咁多料嘅軍艦～～
而個火炙三文魚腩就值得一試再試啦！
壽司屋本身用料靚同新鮮，所以佢嘅食物已經有一定嘅保證
不過火炙就好靠個魚夠唔夠肥美～因為火炙能夠令魚油溶入壽司飯裡面，令成件壽司「升呢」！
壽司屋嘅魚腩夠哂肥，而且火炙得剛剛好，所以食完會好想食多件 肥死我XD
赤貝刺身本身我都好鍾意食赤貝，不過你知啦～貝類一唔新鮮就可以好難食
海產一唔新鮮，魚腥味重、口感都會好差，有啲甚至會臭添！
所以唔係間間有赤貝食嘅我都會食....
不過壽司屋其他嘢都好新鮮，所以今次就特登叫泥試試～
ＷＯＯ～～好好食！雖然佢應該唔係新鮮原隻切嘅，不過「保存」得好所以仲好鮮甜～
左口魚、象拔蚌、黃金魷魚食完覺得唔係好夠，所以就再叫多咗三款壽司
左口魚係老闆娘推介嘅，夠哂肥美，入口又係滿滿嘅香滑魚油～～ 值得一試！
但係象拔蚌我就唔多鍾意啦....唔知應該點形容，但覺得唔多好食....
而黃金魷魚就好好食～ 大家都可以試吓！比較起連鎖店，實在好太多了～～
相信泥得呢間店嘅好多都係街坊，所以壽司屋嘅價錢並無訂得好貴
對我哋呢啲又大食又為食嘅人而言，呢度可以話係天堂 XD
因為響香港，你好難可以食到高質素而價錢好合理嘅「日本嘢」
當晚仲見到有外國人泥食，「小店長」好認真咁幫佢哋落單....人情味爆哂燈！
Post
