耆素銀杏館 (Moved) New Location

店鋪位於西港城旁邊，鋪頭主張推動老人家就業，活到老學到老，理念非常難得。旁邊仲有銀杏士多，食完野可以買埋手信返屋企！唔知系咪因為系社企關係，連選店地址隔離都有間環保回收公司。店舖裝修簡單整潔，木餐枱配搭訂購皮革沙發，感覺非常自然。自助吧可以自行拎水同湯。湯溫度微暖，生津消暑，應該無添加味精之類。- 柏士圖意大利飯（含五辛）用咗時令嘅意青瓜同西芹，入口爽脆，配搭羅勒同合桃令到風味昇華，非常惹味。店舖除咗採用有機，仲主打無添加無味精來烹調食物，套餐配料都均衡地有素肉有菜，由此可見餐單係別出心裁所設計，物值甚高。而且理念非常好，好有意義，會再次光臨同介紹俾朋友！