Video
Read full review
2019-12-08
52 views
2019年11月27日 星期三今晚約咗女朋友同屋企人一齊出中環食飯，因為咁啱佢哋屋企人喺中環附近行街，其實中環有好多唔同嘅餐廳，但係今次我同女朋友都想搵一啲支持香港人嘅小店喺網上面見到呢間餐廳嘅評價唔錯，一行到去鋪頭門口就見到有好多支持香港人嘅字句入到去發現同日本嘅居酒屋冇乜分別，但係多咗一份香港人熟悉嘅感覺好快叫咗嘢食之後等左冇幾耐就有嘢食，首先嚟嘅係日本蕃茄沙律，番茄好甜，同落咗甜酸醬嘅菜一齊食好夾之後有刺身丼，有幾款唔同嘅刺身，每一款都好新鮮，當中最欣賞嘅係帆立貝，因為大粒得黎好鮮甜最驚喜嘅係呢個牛舌丼，飯上面鋪滿牛舌，仲要塊塊都好厚身，咬落去充滿牛肉味，而且好腍，食得出好用心去煮先有咁樣嘅質素！！之後仲有炸芝士粒，咬落去食到啲芝士可以拉絲，熱辣辣好好味最後仲有每人一件芝士餅，為呢一餐作一個完美嘅總結
今晚約咗女朋友同屋企人一齊出中環食飯，因為咁啱佢哋屋企人喺中環附近行街，其實中環有好多唔同嘅餐廳，但係今次我同女朋友都想搵一啲支持香港人嘅小店
喺網上面見到呢間餐廳嘅評價唔錯，一行到去鋪頭門口就見到有好多支持香港人嘅字句
入到去發現同日本嘅居酒屋冇乜分別，但係多咗一份香港人熟悉嘅感覺
好快叫咗嘢食之後等左冇幾耐就有嘢食，首先嚟嘅係日本蕃茄沙律，番茄好甜，同落咗甜酸醬嘅菜一齊食好夾
之後有刺身丼，有幾款唔同嘅刺身，每一款都好新鮮，當中最欣賞嘅係帆立貝，因為大粒得黎好鮮甜
最驚喜嘅係呢個牛舌丼，飯上面鋪滿牛舌，仲要塊塊都好厚身，咬落去充滿牛肉味，而且好腍，食得出好用心去煮先有咁樣嘅質素！！
之後仲有炸芝士粒，咬落去食到啲芝士可以拉絲，熱辣辣好好味
最後仲有每人一件芝士餅，為呢一餐作一個完美嘅總結
Post
