Video
Read full review
2019-06-11
753 views
⭐️👉🏻評分: 9/10🍽位於元朗舊b仔附近嘅西餐廳，之前仲上過蘋果，叫1987係因為4個店主都係87年出世，各司其職，又係有故事嘅小店😽————————————————————個日假期去都幾多人，舖頭細細，一度食一落有客人walk in失敗，都好似幾受歡迎，所以如果食最好訂定位🙌🏻————————————————————🔹澳洲M5和牛西冷扒($398/300g)三成熟都算做得唔錯，食得出係靚嘢，咬落冧身牛味濃郁，絕非一般貨色。附有洋蔥薯片、車厘茄等配菜，每樣都整得好有心機，擺盤唔馬虎，對得住個價錢。佢仲有芥末汁比我地點，點完個味更出。————————————————————🔹茄子千層麵($98)千層麵係新鮮手搓，入面有茄子、芝士同茄醬。上面個層用芝士焗過帶有焦香特別好食🧀周圍嘅茄醬唔會好似平時食意粉屋個啲咁，有種難食茄膏味。用茄子肉嘅軟稔代替咗平時嘅肉醬芝士，所以成碟野都好清新，食完唔會覺得膩。————————————————————🔹每個main都可以加32蚊轉set，包餐湯/沙律，餐包同餐飲。餐前小食係蘋果分子料理，口感好得意。大蒜薯仔餐湯有心思，香檳汁沙律配有風乾茄乾，第一次食呢
⭐️👉🏻評分: 9/10
🍽位於元朗舊b仔附近嘅西餐廳，之前仲上過蘋果，叫1987係因為4個店主都係87年出世，各司其職，又係有故事嘅小店😽
————————————————————
個日假期去都幾多人，舖頭細細，一度食一落有客人walk in失敗，都好似幾受歡迎，所以如果食最好訂定位🙌🏻
————————————————————
🔹澳洲M5和牛西冷扒($398/300g)
三成熟都算做得唔錯，食得出係靚嘢，咬落冧身牛味濃郁，絕非一般貨色。附有洋蔥薯片、車厘茄等配菜，每樣都整得好有心機，擺盤唔馬虎，對得住個價錢。佢仲有芥末汁比我地點，點完個味更出。
————————————————————
🔹茄子千層麵($98)
千層麵係新鮮手搓，入面有茄子、芝士同茄醬。上面個層用芝士焗過帶有焦香特別好食🧀周圍嘅茄醬唔會好似平時食意粉屋個啲咁，有種難食茄膏味。用茄子肉嘅軟稔代替咗平時嘅肉醬芝士，所以成碟野都好清新，食完唔會覺得膩。
————————————————————
🔹每個main都可以加32蚊轉set，包餐湯/沙律，餐包同餐飲。餐前小食係蘋果分子料理，口感好得意。大蒜薯仔餐湯有心思，香檳汁沙律配有風乾茄乾，第一次食呢個配搭覺得幾新奇。麵包真係外脆內軟，入面仲係好軟熟，有牛油同蜜糖芥末兩種醬搽，欣賞牛油係唧到好似玫瑰花咁嘅形狀，而且唔係雪到硬晒。餐飲都幾多選擇，橙汁唔會過甜，紅酒都係加$28就有。
————————————————————
🔖📋小店定位係高質素西餐，廚師係五星酒店大廚 ，欣賞佢地服務同食物細節都做得好好，每道菜都有花心思去present比客人，用料食得出係靚嘢，不過好可惜係個環境未如理想。呢個價位我會期望裝修同氣氛會更好，而且好多客都因為無位食咗閉門羹。希望佢地遲啲會揾到間大啲嘅舖頭啦～😚
Post
