網紅冰室 (Closed)

今日冬至公司放早，剛好俾我有時間嚟呢間新試業嘅網紅餐廳支持一下。支持係因為知道老闆娘對出品要求高，用料靚，製作認真。下午茶時間唔係咁肚餓就食一碗燉奶睇吓佢嘅質素如何。燉奶款式好多，雖然薑汁係本人至愛，但見到有從未見過嘅紫薯燉鮮奶，一於要點嚟一下。試業期間仲有奶茶送，老闆娘果然慷慨。奶茶味道相當唔錯，茶味香濃，奶嘅份量亦恰到好處。燉鮮奶上枱熱辣辣， 紫薯蓉嘅味道唔甜，啱晒我口味，而且熱度非常夠，燉鮮奶亦好滑。事實上真係無可挑剔😋回頭指數10分👍🏼👍🏼👍🏼