樂融雅敘 (Closed)

我相信好多人o黎呢度都係出於一份對智障人仕的支持，但其實佢地o既食物都有一定o既水準。尋日，我與太太倆人就專程o黎到幫襯下午茶。我地叫o左：公司三文治、蘆薈鮮果沙律及兩杯奶茶。公司治份量足而且味道好，佢o既雞蛋尤其煎得好，蛋黃係剛剛熟透。之前都有聽聞過呢度o既蘆薈沙律係唔錯，估唔到比想像中好o的。我唔係特別鍾意蘆薈，覺得佢冇味道，不過原來爽口o既蘆薈肉，加上沙律醬同生果，係配合得剛剛好，好清新。奶茶就差少少，茶味唔夠。價錢真係唔平，尤其冇套餐。但環境、服務同味道都有一定水準。值得支持！