茶木‧台式休閒餐廳 (創紀之城五期(apm))

Open Now

Now Closed

上菜時問侍應拎張紙巾，應咗句「哦紙巾呀」就行開咗，到食完飯張紙巾都冇出現過。呢個情況喺呢間分店已經唔係第一次，上一次諗住係侍應太忙唔記得咗，今次第二次都係咁，好明顯係餐廳指示唔畀佢哋派紙巾畀客，明明兩三個月前食過都肯畀紙巾。其實一張紙巾好小事，但你收加一，坐低水又冇杯，紙巾問出聲都冇，仲係QR code落單，然後自己行出收銀埋單，服務嚟講仲差過茶記，茶記起碼有杯滾水又冇加一，真係唔知佢個加一服務費除咗上菜仲服務咗啲咩。以前茶木擺盤食物都幾精緻，即使比一般台式餐廳貴啲都會去食，但近期愈嚟愈求其，午餐啲飯碗好明顯本身唔係用嚟裝魯肉飯，比較似湯碗。