Cafe Addict

Open Now

Now Closed

難得早收工又唔想返屋企食飯，係公司附近流連，行下行下見到間cafe幾舒服，被吸引咗入去。返咗成日工其實都想靜靜哋坐下，清空下日間工作嘅煩悶，享受下一個人嘅時間。呢間cafe旺中帶靜，完全滿足到獨獨的我☺️ 。望咗兩嘢個餐牌見到南瓜啤酒就即刻決定要飲，因為想食豬肉腸配啤酒所以揀咗all day breakfast🤪未開飲先興奮，過咗萬聖節都冇所謂啦😆本身以為啤酒係成罐咁上成罐咁飲會有啲麻甩，會破壞all day breakfast嘅港女格調，結果餐廳有提供高腳杯，成份事就靚曬，令到今餐個主角份外出眾🤣 講返味道先，飲落好重麥味，反而唔太飲出南瓜味，呢隻啤酒好易入口，冇乜酒精味啱曬酒量淺嘅我。一平時好少all day breakfast會有玉子，加咗玉子成件事特別咗。玉子熟得啱啱好唔會好老，蛋味好重，係好食嘅， 南瓜餅好脆，我放到凍咗食落都仲好脆，中間見到南瓜粒粒，夠真材實料。沙律菜新鮮，雖然雜菇同豬肉腸係預期嘅味道，餸啤酒堅開心😆每次飲完酒都會想食甜嘢，最後都係心動不如行動點咗個tiramisu， 外表睇落就唔特別嘅，可能加咗脆脆食落好有層次，有濃濃咖啡味，用呢個甜品作結好滿足😊P.S.見