深宵食堂 (Closed)

收工夜左唔知食咩好添，去附近食同事介紹既宵夜餐廳先。呢度宵夜黎講種類繁多，又串燒又麵又飯咁，我首先叫左個日式炒手打烏冬配牛，我鍾意佢有木魚架，飄下飄下係幾過癮，仲有雜菜添呀，夠健康，主角烏冬配燒汁再加肥牛，好入味，即刻令我返左成日工都充滿能量呀。跟手食左串燒白鱔，串白鱔最正係層皮燒到脆架，加上少量魚油令魚肉非常滑身，脆外皮加上鱔肉係口感層次分明既。