手卷屋

Open Now

Now Closed

最近有時收工會黎藍田食下小食先返屋企，地鐵出口個層選擇越黎越少，就多左黎匯景5樓搵良心店。 呢條巷都有幾間揀，睇完簽上的波兒、好味雞蛋仔，都係手卷屋岩口味D。手卷、壽司都係十幾蚊起有交易，小食店既價位，估唔到行入去仲有得堂食，有幾張凳唔洗立食咁慘，台上仲放好哂即棄筷子、豉油、wasabi同碟仔。見食評大讚玉子燒($11)，當然叫左，一落單就見店員即時放上網加熱加醬汁，熱辣辣咁上台。 甜蛋好軟滑濕潤，入面既飯都粒粒分明，配埋沙律醬幾開胃。三文魚腩反卷($25)比想像中細份，三文魚腩係新鮮有油香既，飯同魚生中間仲卷左塊紫菜好有心機，不過個人覺得唔加紫菜可能仲好D。有時壽司癮起，就算俾得起錢去日本鋪頭獨食都仲要等位等上菜，想快快手真係做到立食壽司文化呢度真係幾岩，材料新鮮有下次。