Video
Read full review
2019-07-26
492 views
收工約咗朋友去圓方行街，行行下上左天台見到有好多唔同嘅酒吧同餐廳，行出少少睇完個靚靚日落景，就揀咗呢間餐廳食晚餐。呢間餐廳有兩層，下面果層主要係俾人飲啤酒，收工Chill下嘅，而上面嗰層主要係安排食晚餐嘅客人入座。我哋就被安排左喺上層嘅卡位位置。餐牌選擇都多，仲要呢間餐廳有做promotion，逢星期一竟然有主菜買一送一，超級無敵抵食呀！因為其實佢主菜最平百幾蚊都有一個，買一送一真係超抵！不過好可惜，雖然我食嗰日係星期一，但我同行嘅嘴刁朋友淨係想食牛扒，而牛扒唔包括係主菜度，所以就享受唔到呢個優惠啦⋯果然係西餐廳，飲品嘅種類仲多個野食。以下只係一半餐牌。我哋嗌咗一個本地少爺手工啤酒，呢個啤酒我超級推薦，因為佢聞落去係好香既果味，飲落都係果味重，一啲都唔似係啤酒，好易入口，超級啱唔太鍾意飲酒嘅女仔飲，真係一啲苦味都冇。不過佢都成5%酒精濃度㗎，唔好以為冇酒味就係咁飲，到時醉左就唔好～另外朋友嗌左杯士多啤梨加熱情果嘅Mocktail，抵讚嘅係佢用環保飲筒，朋友話果味好香濃又唔會太甜，幾好味。我哋最後嗌咗一個招牌海鮮扁意粉同美國頂級12安士肉眼扒（5成）。餐廳出餐都幾快，嗌完坐咗15分鐘到就
餐牌選擇都多，仲要呢間餐廳有做promotion，逢星期一竟然有主菜買一送一，超級無敵抵食呀！因為其實佢主菜最平百幾蚊都有一個，買一送一真係超抵！不過好可惜，雖然我食嗰日係星期一，但我同行嘅嘴刁朋友淨係想食牛扒，而牛扒唔包括係主菜度，所以就享受唔到呢個優惠啦⋯
果然係西餐廳，飲品嘅種類仲多個野食。以下只係一半餐牌。
我哋嗌咗一個本地少爺手工啤酒，呢個啤酒我超級推薦，因為佢聞落去係好香既果味，飲落都係果味重，一啲都唔似係啤酒，好易入口，超級啱唔太鍾意飲酒嘅女仔飲，真係一啲苦味都冇。不過佢都成5%酒精濃度㗎，唔好以為冇酒味就係咁飲，到時醉左就唔好～
少爺手工啤酒
$65
182 views
0 likes
0 comments
另外朋友嗌左杯士多啤梨加熱情果嘅Mocktail，抵讚嘅係佢用環保飲筒，朋友話果味好香濃又唔會太甜，幾好味。
我哋最後嗌咗一個招牌海鮮扁意粉同美國頂級12安士肉眼扒（5成）。餐廳出餐都幾快，嗌完坐咗15分鐘到就有得食，同埋佢兩個主菜同一時間嚟到，咁就唔使等到凍哂先一齊食啦。
招牌海鮮扁意粉：海鮮配料好足，以青口大蝦為主，仲有少少蟹肉同埋龍蝦肉，好鮮甜。不過我最鍾意嘅係佢加左少少辣椒，成個汁好特別，少少似龍蝦汁但係又唔完全係龍蝦汁個味，好難形容，淨係知道好好味～貶意粉嘅淋度係彈牙適中嘅，正！
招牌海鮮扁意粉
$248
71 views
0 likes
0 comments
美國頂級12安士肉眼扒：個扒上面嘅紋路好靚，配埋黑松露牛油，成個味好夾。
美國頂級12安士肉眼扒
$418
58 views
0 likes
0 comments
你睇吓佢啲肉汁超多，顏色真係粉紅色！熟嘅程度啱啱好，肉入面有肥膏夾雜，好肥美，牛魔王表示好滿足！
美國頂級12安士肉眼扒
$418
58 views
0 likes
0 comments
總括而言呢間餐廳氣氛好舒服，一邊聽住啲柔和嘅音樂，一邊食美食，飲美酒，同朋友嘻嘻哈哈吹水，一日工作嘅疲累都洗走晒～仲要有好抵食嘅promotion添，下次經過嘅朋友仔一定要黎試下啦！
Post
