Golem Craft Beer (Closed)

今晚係石門收工，見到有間幾有情調既酒吧食店，想慢慢享受晚餐relax一吓，就決定入去尋食吓飲番杯先原來呢間係多國菜，有飯、意大利粉、主菜和送酒小食選，我就選左個：唐揚魷魚圈、美式燒烤豬仔骨和一杯巴西啤酒慢慢歎。唐揚魷魚圈：熱辣辣，未食已經聞到好香，入囗外脆內嫩彈牙，唔點沙律醬已好好味，送酒一流！！！美式燒烤豬仔骨：大大件幾好肉有煙出，味道剛剛好，肉質軟腍，冇過火，薯條即炸脆咯咯。好彩叫左杯幾好飲既啤酒，個名好似叫：Brother Basil Single Bacth:入囗好fresh清新檸檬味，但又好濃既啤酒味，真係好正！呢度真係可以慢慢享受吓啤酒和美食，如果有足球賽事又可以一路睇一路飲，唔錯，下次夜d再來氣氛可能唔同。