饗11 (Closed)

先黎一份自家製餐包❤有，香草 竹炭 芝士條等等，一黎到件件都夠哂溫熱，每份包包塗小小牛油已經好香好好味。香芒蝦沙律😋絕對係開胃沙律，酸酸甜甜既芒果同醬汁配上爽口彈牙既大蝦，正!香煎加拿大帶子沙律❤有三粒香煎微焦超大粒帶子再加上面頭有蟹籽，配埋沙律菜 芒果粒 同 勁好味既甜酸岩岩好既蕃茄莎莎，好滿足!✨ 焗酥皮龍蝦湯👅香脆可口既酥皮，湯既口感香滑，食到有龍蝦肉，啖啖都有龍蝦香味，鮮味濃郁非常滿足。香烤澳洲羊架 芥末籽燒汁❤每枝羊架肥瘦岩岩好，肉質結實，脂肪分佈均勻，烤炙過後羊味香味四溢，肉質粉嫩，足足有成3件，仲有薯仔等配菜，點小小芥末籽燒汁，一d羊羶味都冇。海膽雞卷意大利飯❤意大利飯口感黏而不軟，硬中帶稔，粒粒綿滑飽滿，夾埋鮮甜海膽同濃淡岩岩好既醬汁，結實得黎又帶點嫩滑既雞卷肉感，香味同口感昇華哂。提拉米蘇🥰俾我一個人KO哂，奶油口感香滑，唔太膩，好滿足。另外，叫左2杯無酒精飲品，Fruit Gathering😀就有芒果 + 蘋果 清新微甜。Berry Delight😌就有Strawberry + Cranberry 甜中帶酸。