Cow Bean (康怡廣場) (Closed)

返工都好忙，冇乜機會食到海鮮同生果，自己一個求求期期就算，今日咁岩問開朋友去康怡廣場嗰邊交收，交收完就去咗AEON行吓🙊 喺下面就聞到鋸扒嘅味道，就專登循住香味上咗去3樓今日悶悶地一於獎勵吓自己，幾特別嘅係我見到佢會用生果配搭扒餐🤓又幾得意喎我就試吓食蟹加菠蘿配搭嘅扒餐，除咗啲蟹膏好多好正之外，鐵板製作嘅菠蘿特別鮮甜😋好耐冇食過蟹啦😮‍💨平時咁忙咁攰當然都想會有人服侍下啦，一入門口首先有店員問我堂食定外賣，可能因為我比較夜先收工🫥但係店員見到我咁攰都唔敢怠慢即刻安排入座，坐低就隨即俾Menu我，我好快就揀咗蟹配菠蘿鐵板餐，嘢飲我就冇叫啦，最主要係我飲水就夠，keep fit😜座位大概坐左六成人，店員都會同客人傾吓計，知道大家工作辛苦都會問候下，唔錯喇～到我埋單店長友善咁同我講下次見，其實好多餐廳都少咗呢一種禮貌，但係呢一間餐廳起碼比到我賓至如歸嘅感覺😬下次一定會再幫襯㗎～