金蘭花泰國菜 (Closed)

幾個同team同事約食dinner，因為要OT所以都係港島區食，慳番D搭車時間。呢排好忙，個個都做到死死下，胃口都冇乜，所以揀食泰國菜。泰國菜通常都會帶酸酸辣辣，開胃又可以刺激下個味覺，食完個人都會醒神一下。冬蔭功湯 - 好足料，有好多隻蝦，菇菌都唔少；辣椒、香茅、南薑味道平衡得唔錯，唔會過酸或者過辣。 香葉辣椒炒肉碎 - 雖然加了辣椒，不過都唔係太辣，落咗金不換及魚露一齊炒，用嚟送飯就啱晒啦。小食拼盤 - 味道正常，比較鍾意個炸蝦餅，夠彈牙龍眼冰 - 食親泰國菜我都鍾意飲龍眼冰，呢度嘅龍眼冰味道清甜，都幾濃郁，唔會淨係得甜味。加埋個馬拉盞通菜同蝦膏炒飯就飽晒啦。