Video
Read full review
2020-02-05
737 views
今日約左班大學同學見面, 為左方便大家搭巴士, 我地揀左四通八達既觀塘區食晚餐。(雖然呢間餐廳都唔算好近觀塘) 揀呢間餐廳, 一黎係因為要支持黃色經濟圈💛 另一方面係因為聽過呢度既食物質素幾高。因為我早左少少到, 所以入到去可以仔細欣賞下餐廳既設計。可能我晚上先去, 所以覺得店內既燈光偏黃, 同埋比較昏暗, 但好似幾浪漫?! 而我坐既位置隔離牆身用書既內頁砌成, 而天花上亦釣左好多本書落黎。整體黎講, 呢間餐廳好有文青feel。大門旁邊的位置放左高枱, 客人可以透過玻璃望到街景。如果放假既時候, 一邊歎住咖啡, 一邊望住街上的途人, 好似好寫意。我地三個人所以叫左三個餐share食, 而一set晚餐既價錢由$128 - $168 不等, 包括湯, 主菜同埋飲品。講真, 性價比算高既, 不過如果每個餐既份量都多番少少就更好。雜菜忌廉湯跟餐送的餐湯, 質地比較稀, 不過味道還可以。湯中間加左少少芹菜粒?! 同埋少少蘿蔔粒, 令個湯多D口感。巴拿馬火腿薄餅配自家製茄醬 ($148)Parma Ham Pizza呢個pizza 上枱時, 我係有少少失望既, 因為Parma Ham既份量實在少得
因為我早左少少到, 所以入到去可以仔細欣賞下餐廳既設計。可能我晚上先去, 所以覺得店內既燈光偏黃, 同埋比較昏暗, 但好似幾浪漫?! 而我坐既位置隔離牆身用書既內頁砌成, 而天花上亦釣左好多本書落黎。整體黎講, 呢間餐廳好有文青feel。大門旁邊的位置放左高枱, 客人可以透過玻璃望到街景。如果放假既時候, 一邊歎住咖啡, 一邊望住街上的途人, 好似好寫意。
我地三個人所以叫左三個餐share食, 而一set晚餐既價錢由$128 - $168 不等, 包括湯, 主菜同埋飲品。講真, 性價比算高既, 不過如果每個餐既份量都多番少少就更好。
雜菜忌廉湯
雜菜忌廉湯
26 views
0 likes
0 comments
跟餐送的餐湯, 質地比較稀, 不過味道還可以。湯中間加左少少芹菜粒?! 同埋少少蘿蔔粒, 令個湯多D口感。
巴拿馬火腿薄餅配自家製茄醬 ($148)
Parma Ham Pizza
巴拿馬火腿薄餅配自家製茄醬
$148
27 views
0 likes
0 comments
呢個pizza 上枱時, 我係有少少失望既, 因為Parma Ham既份量實在少得可憐, 成個pizza 只有3塊, 即係我同朋友一人一塊… (而火箭菜都係得三塊) 而且上菜前都無將pizza切開, 所有野都係由客人自己黎, 令我對呢塊Pizza既第一印象麻麻地。
Pizza餅底比較薄身, 所以可以烤到好脆身。佢既蕃茄醬味道幾突出, 唔會太酸, 但同其他配料(芝士)既味道幾夾。Parma Ham既鹹香味唔錯既, 不過都係果句, 份量太少…
火灸芝士安格斯肉醬飯 ($138)
Angus Ground Beef Rice
火灸芝士安格斯肉醬飯
$138
32 views
0 likes
0 comments
呢個飯好好食, 肉醬既份量好足, 夠你撈完飯之後仍然食到啖啖既肉醬。個醬既肉味好濃郁, 重牛味, 加埋芝士一齊撈, 口感好豐富。不過成個餐個飯量就相對較少, 女仔食應該岩岩好, 不過如果有男士, 可能會唔夠食。
傳統西班牙蛋餅 ($128)
Omelet Frittata the Classic
傳統西班牙蛋餅
$128
31 views
0 likes
0 comments
呢個西班牙蛋餅同我想像的有D唔同, 因為我之前食既西班牙蛋餅叫做Tortilla, 係用蛋, 薯仔同埋洋蔥整成, 質地比較挺身。而呢度既西班牙蛋餅就再加左Mozzarella, 紅椒, 磨菇, 而且上枱時係用一個小煎pan 上枱的, 幾特別。因為個pan邊仍然好熱, 所以店員都有溫馨提示我地要小心唔好掂到。
個蛋餅比較軟身, 用匙羹不起既時候有少少拉絲既效果, 芝士味幾香濃。入面既薯仔粒煮到好淋, 唔需要點咬就溶左。另外就係佢個調味唔錯, 每樣食材既味道夾得唔錯, 又唔會太咸!
Hoegaarden Rosee (+$16)
Hoegaarden Rosee
$16
29 views
0 likes
0 comments
呢度+$8就可以升級到價值<$36既飲品; 而加$16就可以升級去所有飲品, 所以我地每個人都加錢飲啤酒 XD 我地都不約而同咁揀左 Hoegaarden Rosee 呢隻白啤。我想試呢隻酒好耐架啦, 因為聽講話唔太飲得既人都接受到, 畢竟酒精濃度只有3%。第一啖飲落去, 似飲緊酒味汽水 lol 味道算係甜, 且帶小小酸, 無乜啤酒既苦澀味, 所以幾易入口。
巧克力布朗尼 Chocolate Brownie
巧克力布朗尼
24 views
0 likes
0 comments
跟餐贈送既甜品, 雖然外表其貌不揚, 但其實幾好食。呢個甜品細細舊 (大概係一隻麻雀咁大), 質感較厚實硬身, 而表皮亦乾到爆開左。不過咬落去就會發現中間位置唔似表層咁硬, 反而有少少淋糯, 整體黎講都幾重朱古力味。
最後有少少surprise既係去左8點鬆少少, 店員就行過黎溫馨提示我地8:30pm就last order, 9點就會關門。(估唔到香港地仍然有餐廳既晚市咁早收工!) 我再check下呢度既opening hour, 原來星期六日仲誇張, 晚上7點就收工了! 完全唔做晚市! 不過對於員工黎講都係好事, 起碼做到 work life balance。欣賞!
Post
