新一派 味道 (Closed)

星期一下午約四點行經將軍澳厚德村新一派茶味道餐廳，見佢門口大大個餐牌寫住侍應埋黎同我落單，我便叫了這個意式焗肉醬意粉連地道熱飲的茶餐。誰料那女侍應給我的賬單卻要收$26元。當時我以為自己弄錯了優惠時間，但無耐隔離枱的客人也點了與我一樣的食物，佢張單卻是$22元！好快我與隔離枱的意粉送到，我發覺兩碟意粉在份量上跟本一模一樣。我忍不住找來一位較高級的女部長問下點解我張單比隔離枱貴四蚊，佢反問我叫乜餐，我話:下午茶餐!佢拿我張單看了一眼後竟答我:你叫下午茶餐時無講三個字，所以無特價，要收原價!!我聽後真係火都黎埋，隔離枱個客咪一樣就咁叫下午茶餐，幾時有講呀，你估依家去麥記玩急口令比賽呀?後來一位打領呔的男主任來了解事件，佢竟然夠膽死同我講話$26元的比$22元的大碟些，我問佢兩碟意粉跟本用同一大小款式的碟子，何來大碟些?佢想了一想後竟答我:你個碟肉汁多些！！雖然到最後佢都同我將單改番$22元，但係已經令我非常勞氣，那男主任及女侍應態度之差真係令我大開眼界，以後咪駛旨意我幫襯!!