新銓滿記餐廳小廚

Open Now

Now Closed

記得以前呢一間食店嘅煲仔飯都幾出名幾好食，今晚忽然之間喺旺角想食煲仔飯，於是走去幫襯，點知要係失望嘅。煲仔飯套餐依然有一小盅例湯同埋一碟油菜送，個湯同埋個油菜同以前個味道差唔多，特別係個例湯都仲係冇落味精所以好正。不過個煲仔飯就有少少強差人意，我哋叫咗兩個煲仔飯，一煲係黃鱔煲仔飯，另一煲係窩蛋牛肉煲仔飯，兩煲個味道都係唔夠嘅，不過佢哋嘅餸就真係多，尤其是係個黃鱔煲仔飯，超多黃鱔，窩蛋牛肉嘅牛肉份量都畀想像中多，同埋兩個煲仔飯都有飯焦剷到出嚟。