Video
Read full review
2022-12-06
386 views
好少會短期內去同一間餐廳2次~~之前同狗狗嚟過後，有同朋友提過呢間新開的cafe環境清靜，亦幾特別，所以當朋友周末嚟探狗狗時，佢就提議一齊嚟食早餐。今次2個人，可以試多啲嘢。因為訂咗位，所以到cafe後就直接入座，唔使等。今次同樣都係由一班喜歡動物的店員招呼，所以感覺好窩心，狗狗應該都覺得自己幾受歡迎吧！比上次特別的地方係，餐廳話諗住嚟緊賣麵包，所以嚟到時，餐廳試整咗一盤盤的麵包俾人打卡，麵包的形狀、顏色各式其色，睇落賞心悅目，遲啲佢開賣，我都會幫襯下。令次我哋點咗水牛芝士蕃茄沙律、黑松露薄餅、黑芝麻芝士餅、蔓越苺朱古力蛋糕同埋4杯唔同的飲品（Dirty、Flat White、香蕉朱古力同埋伯爵茶咖啡），因為朋友有沖開咖啡，加上佢屋企人亦係開cafe，所以佢的意見就比我有參考價值得多。水牛芝士蕃茄沙律上次都點過，因為新鮮、原味加上係素菜，所以向朋友推薦order。黑松露薄餅好細份（雖然俾我影到好大咁），以$108嚟講都貴架，一個人食都唔夠飽，不過。。。佢又真係好食既！個餅底又薄又脆，係我喜歡的脆底pizza，配料唔係話好特別，但夾埋都好好食。如果大家會點pizza，最好一上檯就食，因為
今次2個人，可以試多啲嘢。因為訂咗位，所以到cafe後就直接入座，唔使等。今次同樣都係由一班喜歡動物的店員招呼，所以感覺好窩心，狗狗應該都覺得自己幾受歡迎吧！比上次特別的地方係，餐廳話諗住嚟緊賣麵包，所以嚟到時，餐廳試整咗一盤盤的麵包俾人打卡，麵包的形狀、顏色各式其色，睇落賞心悅目，遲啲佢開賣，我都會幫襯下。
令次我哋點咗水牛芝士蕃茄沙律、黑松露薄餅、黑芝麻芝士餅、蔓越苺朱古力蛋糕同埋4杯唔同的飲品（Dirty、Flat White、香蕉朱古力同埋伯爵茶咖啡），因為朋友有沖開咖啡，加上佢屋企人亦係開cafe，所以佢的意見就比我有參考價值得多。
水牛芝士蕃茄沙律上次都點過，因為新鮮、原味加上係素菜，所以向朋友推薦order。
水牛芝士蕃茄沙律
$78
12 views
2 likes
0 comments
黑松露薄餅好細份（雖然俾我影到好大咁），以$108嚟講都貴架，一個人食都唔夠飽，不過。。。佢又真係好食既！個餅底又薄又脆，係我喜歡的脆底pizza，配料唔係話好特別，但夾埋都好好食。如果大家會點pizza，最好一上檯就食，因為我哋有一、兩片擺耐咗，食的時候就明顯冇咁脆喇。自己食呢個薄餅我會嫌貴，但一齊分享同埋因為佢味道唔錯，我覺得可以推介！
黑松露薄餅
$108
12 views
0 likes
0 comments
同樣道理可以放喺我哋order的2件蛋糕上面，每件$62（未計加一），蛋糕/切餅的尺寸偏細，差唔多$70件餅，喺酒店食cake可能都冇咁貴。。。雖然講係咁講，但黑芝麻芝士餅同蔓越苺朱古力蛋糕都好食既。
黑芝麻芝士餅好light，有淡淡芝麻味，唔會因為係芝士餅而好漏。
黑芝麻芝士餅
$68
14 views
0 likes
0 comments
黑芝麻芝士餅
$68
10 views
0 likes
0 comments
蔓越苺朱古力蛋糕味濃，texture較heavy，但就滿足到想食甜品的慾望！蔓越苺微酸，同朱古力的甘苦味幾夾，同埋佢帶少少濕潤，令個蛋糕食落冇咁乾。蛋糕喺上檯前翻焗過，變得有啲乾身，乾的地方又有啲硬，如果翻熱時溫度或時間控制好啲，就更好食喇。
蔓越莓朱古力蛋糕
$62
10 views
0 likes
0 comments
蔓越莓朱古力蛋糕
$62
8 views
0 likes
0 comments
最後，講埋4杯飲品。我哋第一轉點咗Flat White同伯爵茶咖啡，朋友飲咗一啖Flat White，話好得。而我的伯爵茶咖啡，茶味同啡味都夠濃，仲有奶味中和，我覺得好特別，亦好飲。如果要挑剔，就係細杯啲。
Flat White
$43
5 views
0 likes
0 comments
伯爵茶咖啡
$45
5 views
0 likes
0 comments
當我哋點甜品時，又再嚟多一round飲品，包括Dirty同香蕉朱古力。上次嚟飲過Dirty，講真仲有啲陰影，所以round 1雖然朋友好想試，但我已大力阻止。到round 2，我就由得佢。當Dirty上檯，朋友一飲就話：「無事喎，好好飲呀！」我試咗，都覺得好飲。然後，店員解釋話上次用哥倫比亞豆，偏酸，之後已從善如流，改咗個recipe。我覺得cafe係有俾心機做好啲飲品同食物，所以好欣賞。至於香蕉朱古力，味道都唔錯，minion圖案太可愛！ 最後，店員真係好nice！
Dirty
$43
7 views
0 likes
0 comments
香蕉朱古力
$43
5 views
1 likes
0 comments
Post
