MOS Cafe

Open Now

Now Closed

在疫情之下，收工就當然係返屋企唔好周圍去啦！心血來潮想食漢堡包，咁就諗起mos burger啦！但係落到去之後發覺間mos burger 唔見左喎！變左做mos cafe!!咁就入去睇下有咩食啦！望下個menu, 原來係多左d飯類，包括雞肉咖哩飯，牛油果照燒雞肉飯及芝士和牛漢堡扒飯。睇完最後我都係叫左份牛油果和牛漢堡，脆雞再加巨峰乳酪梳打，而外賣就重有85折，都幾抵食，等左一陣就有啦！返到屋企之後就食左個和牛漢堡先，和牛漢堡好大塊，牛油果都幾足料，目測都至少有3分之1個牛油果，兩塊大蕃茄，食落去多汁，再加上d牛肉汁，真係好juicy ，個包又好味，認真都真係好好味。之後就雞塊，去骨雞塊啖啖肉，炸得好香脆，而且無過火，肉好嫩滑，唔錯。最後飲埋個巨峰乳酪梳打就完美晒啦！好飽，下次有機會會試下d飯，會再幫襯。