Le Menu

Open Now

Now Closed

老板約食晚飯,又想坐得舒服,想起Le Menu,打電話訂座時職員話轉左做『極尚和風加澳州和牛任點任食放題』,老板又贊成,不妨去試一試。當晚一坐低,職員就立即教路可先點飲品因為包埋,又即時來個大刺身拼盤,真係『未點先興奮』,食物種類多,共有四張點菜紙ABCD多過六十款(唔多講有相睇),刺身唔夠喉即時再畫多轉,跟住點左一大堆壽司,特色日本街頭小食大阪燒同章魚小丸子,香噴噴嘅重有燒物、串燒,當然唔少得係主題食物『澳州和牛粒、澳州和牛串燒、澳州和牛迷你漢堡扒』此時職員又埋嚟話有清酒送,兩位一枝,立即點大篮天婦羅送酒,最吸引係有份鮑魚撈丁送,其實重有湯、煮物、小吃同飯麵類,不過已經好滿足,只係點左少少,要留肚食甜品,此時職員又埋嚟話除左甜品紙五款甜品,重有神秘甜品送,『心太軟』.是也,食埋甜品真係攬住個肚走。