Video
Read full review
2018-10-11
687 views
呢間位天水圍T Town北座的《井茶 HASH cafe》 極具少女氣息， 用上咗少女最愛的Tiffany Blue 作主調， 加上鳥籠擺設， 感覺帶點夢幻。呢度除咗有個款輕食同埋主菜之外，仲有各款賣相極度吸引嘅甜品同埋 埋飲品， 簡直係打卡呃like必備!為咗保持苗條身形， 就叫番個輕食沙律【 泰式海蝦米紙卷】， 用越南嘅米紙， 包入咗沙律菜、青瓜、蘿蔔絲以及海蝦， 再配上甜甜酸酸又帶點辣嘅泰式雞醬， 清新得來又開胃。 米紙卷嘅皮煙煙靭靭， 配合埋新鮮爽脆嘅沙律菜同青瓜， 口感十足。小食【 檸檬黑胡椒醬蜜汁雞翼】， 雞翼用左黑胡椒去醃， 烤焗之後再搽上甜絲絲嘅蜜糖， 再加上幾滴檸檬汁， 酸酸甜甜得嚟， 又能夠食到黑椒嘅香辣。主菜有【泰式燒春雞配印度烤薄餅】， 燒春雞份量一啲都唔少， 春雞烤得外皮金黃香脆， 點埋泰式酸辣醬汁，夠醒神! 泰式酸辣汁用咗魚露、蒜蓉、青檸、辣椒製成， 食起嚟夠曬惹味。 每份主菜都配有大量沙律菜， 夠曬健康。【墨汁帶子意大利飯】， 唔好以為佢黑蚊蚊其貌不揚，食起來味道鮮美。 帶子煎得半生熟，帶點溏心。 意大利飯嘅生熟度亦掌握得好好， 迎合返香港人鍾意飯芯唔好太
呢度除咗有個款輕食同埋主菜之外，仲有各款賣相極度吸引嘅甜品同埋 埋飲品， 簡直係打卡呃like必備!
為咗保持苗條身形， 就叫番個輕食沙律【 泰式海蝦米紙卷】， 用越南嘅米紙， 包入咗沙律菜、青瓜、蘿蔔絲以及海蝦， 再配上甜甜酸酸又帶點辣嘅泰式雞醬， 清新得來又開胃。 米紙卷嘅皮煙煙靭靭， 配合埋新鮮爽脆嘅沙律菜同青瓜， 口感十足。
小食【 檸檬黑胡椒醬蜜汁雞翼】， 雞翼用左黑胡椒去醃， 烤焗之後再搽上甜絲絲嘅蜜糖， 再加上幾滴檸檬汁， 酸酸甜甜得嚟， 又能夠食到黑椒嘅香辣。
主菜有【泰式燒春雞配印度烤薄餅】， 燒春雞份量一啲都唔少， 春雞烤得外皮金黃香脆， 點埋泰式酸辣醬汁，夠醒神! 泰式酸辣汁用咗魚露、蒜蓉、青檸、辣椒製成， 食起嚟夠曬惹味。 每份主菜都配有大量沙律菜， 夠曬健康。
【墨汁帶子意大利飯】， 唔好以為佢黑蚊蚊其貌不揚，食起來味道鮮美。 帶子煎得半生熟，帶點溏心。 意大利飯嘅生熟度亦掌握得好好， 迎合返香港人鍾意飯芯唔好太晏硬嘅口味。
最後就梗係叫番杯HASH Tea特飲【 海鹽芝芝莓果】， 大大杯， 上面白色嘅奶泡加入咗芝士同海鹽， 帶有少少芝士鹹香， 配合埋用咗大量莓果打成嘅沙冰， 夠曬涼浸浸。
最後來都必食嘅甜品【 士多啤梨雪糕厚多士】， 賣相方面簡直係一百分， 打動咗萬千pink pink少女心。 厚厚嘅吐司夠鬆脆， 而且又軟熟，上面吱滿咗厚厚嘅忌廉， 加埋士多啤梨果醬， 非常甜美。 配合埋士多啤梨雪糕， 增添多一份士多啤梨香氣，實屬必點之選。
呢間《井茶》非常適合同朋友嚟Hea， 如果想打卡嘅話，記得要求坐入鳥籠裏面呀~
Post
