薩莉亞意式餐廳 (Go Go Mall)

Open Now

Now Closed

每次經過餐廳都會掙扎，如果想食就要拎飛，拎飛就要等好耐，但入到座就可以有好多價廉物美的美食。今日經過時因爲已經過午飯時間，所以決定拎飛，等候大概半小時左右便可以入座。佢係每張枱都有按鐘，按鐘後會有服務員幫忙，不過等侯時間頗耐。一打開menu 其實已經決定勁叫，因為佢每碟分量唔大，所以可以試唔同既食物。首先叫卡邦尼亞意粉，小朋友至愛，但我就冇試，問小朋友佢話好食，但我覺得冇汁，如果要飽肚可以叫嘅。煎鯖魚，當然一定係雪藏貨，雖然有片檸，其實都有腥味，可以一試的。小食時間，叫左脆脆蝦，好味，點伴碟醬汁一流。蒜包，十分美口，好重蒜蓉味，熱辣辣，必食。焗田螺，好香口，抵食！其他小食不過不失，但因為不是我杯茶，所以就唔提了。如果要飲料，係落單時就要入單，自助形式，但其實佢汽水機，咖啡，朱古力都淡如水，不過佢茶包係唔錯的。事後再加單食布丁，不過唔係我的，小朋友話好好味！