J大大

Open Now

Now Closed

今日放假去左元朗泳池swim完，正想去搵食，行行下落雨，搵地方避雨時比我遇到j大呀(個招牌😈)。潮文有教，有j大既地方應該無咩伏既，抱住有瓦遮頭既情況下又有個beat從五藏廟激烈禁同雨水crossover，一試新野既心情向舖頭一步一步走向，睇睇j大大有幾勁先。入到去望下個餐牌，食物相同食物名不斷係我眼中飛入大腦，肚就不其然打了廣東話九聲聲調報出食物既好味先後次序。我叫了個韓式雞肉包，轉餐加個cream soda，禁先係美式風格。五分鐘左右包到，咬一啖，包既脆度剛剛好，feel到包係有烘，雞肉加上韓式sauce，都係第一次食，果然店名無fake人，小店老板不會因小店開係橫街，做足咪又係fastfood唔做足都有飽肚既感覺心態，加分。以呢個物價高到我都望唔到既小港口中，呢間快食小店又可以係我元朗食店list度留名了。