天龍海鮮火鍋 (Closed)

放假前夕約左朋友仔去打邊爐，去開先達買野於是就試試附近嘅天龍海鮮火鍋。入到去嘅時候其實都已經好多人，好好彩我哋唔使等位，可能因為早嘅關係，坐咗一陣之後就見到有幾個客人要等位。我哋叫咗一個原味椰子雞鍋，個湯底好清甜，好重椰子味，令到係湯入面嘅嘢食都好重椰子味。我哋三個人都叫咗成13種配料，其中我認為最出色嘅係鮮冬菇，因為冬菇浸左係椰子湯入面10分入味，令人不禁食多幾粒。另外我哋都有叫到一般打邊爐會叫到嘅肥牛及豬肉片，其實都不錯，賣相都幾新鮮。