Villa Villa (Closed)

之前朋友食完強推佢個黃金炸薯條，所以放假就同男朋友黎hea個下午。由於係平日，加上我哋嚟嘅時候係lunch Time，好明顯見到好多人同同事嚟食晏。lunch來講，佢嘅選擇好多而且價錢唔貴。我男朋友叫咗個all day breakfast，佢個all day好豐富，而且同出邊有啲唔同，首先係佢有好多款肉，Parma ham & 煙三文魚又唔會好似出邊嗰啲咁咸，重點係佢個egg benedict，隻蛋勁香。我就叫咗個carbonara，好鍾意佢嘅意粉軟硬度適中,好彈牙。甘啱我哋去嗰日係第一日出甜品,所以老闆都叫我地試一試,我哋叫咗個Apple crumble，我男朋友平時唔鍾意食甜品都盛讚蘋果味濃,但又唔會太甜,好清新，成個都俾我哋清晒。另一樣要提一提嘅係，好喜歡佢哋好用心佈置嘅聖誕裝飾，令好鍾意聖誕節嘅我心情都特別愉快。