雅苑座

帝苑酒店地點方便，適合我約住不同地區嘅家友朋友食自助餐(雅苑座)。今日放大假，帶美國🇺🇸回港探親既哥哥及嫂嫂同家人一行8人食中午自助餐，平日都有九成滿座，真係非常之受歡迎。我都係喜歡食凍海鮮，有阿拉斯加蟹腳、翡翠螺、蝦、蜆、龍蝦鉗及麵包蟹，🦀️腳雖然唔係好大隻，但都唔咸有鮮味😋，刺生嘅三文魚、吞拿魚及八爪魚都新鮮。海南雞飯份量適中，係招牌菜之一，串燒都多選擇，不過今日我無食。 今日沙律菜好多款式及非常新鮮，有幾樣沙律醬可選擇。西冷牛扒賣相一般，但食落有驚喜，好香牛肉味，加少許芝士焗薯蓉👍🏻。甜品選擇非常之多，我揀咗Tiramisu 及藍莓芝士餅，當然仲有帝苑酒店出名嘅蝴蝶酥啦，加埋即制斑蘭香蕉pancake 配Häagen-Dazs 雪糕，非常之滿足。飲品有好多選擇，有果汁、罐裝汽水、咖啡及茶都係自助及free flow 任飲。我做埋Go Royal金咭會員，食自助餐有62折扣優惠， 加埋兩老有長者優惠，真係非常之抵食🥰