Season Plus (Closed)

終於放復活節節啦！！琴日收工即刻同朋友去happy hour!!之前食對面譚仔見到呢道生蠔$9隻已經勁想試！ 我地訂左7:00鐘枱，去到見到其他人都係主打生蠔同海鮮！好可惜！因為朋友唔舒服🤥佢話唔想食生冷野所以我地無叫到海鮮凍盤😞不過最後我都叫左八隻生蠔俾自己食😎 其實平時我唔算太好生蠔，唔太新鮮既生蠔我係食唔到的（會想嘔），可能因為呢道$9生蠔既關係，生蠔好新鮮，而且size唔小食落有海水味！👍🏻我仲叫左凍既翡翠螺，不過我覺得比較細隻！另外我地仲叫左田園沙律🥗，白酒煮蜆，手羽先，羊架同炸薯條🍟！田園沙律好大碟！佢一上到黎我地心諗我地會唔會叫得太多野食😂😂菜好新鮮，食落好爽！白酒煮蜆佢地用馬尼拉蜆，蜆肉好大粒好肥，又無沙👍🏻👍🏻唔錯噃！下次試下白酒青口蜆先！手羽先係朋友想食！由於呢間係西餐廳，本身就覺得應該普普通通，但黎到見到佢炸到金黃色又乾身！賣相幾好！食落雞肉仲好嫩好熱！😋另外叫左份羊架，入面有4件，味道正常唔會太羶！最令人驚喜係個炸薯條！炸得好香脆！熱辣辣外脆肉軟，好耐無食過咁好食既粗薯條啦！配埋個黑松露醬食好好味！😍😍😍見隔離好多人都點海鮮凍盤！份量都好多！下次一定要怒吃生蠔同