意粉 360 (Closed)

難得老公放假，又係去下午茶既日子呢；今日重好忙，下午茶完去買衫換季，冇耐就晚飯，跟手去睇戲。好耐冇試過一日2餐都出街食呢老公冇乜心水想食乜，我就諗起之前都係意粉360度食過窩夫，印像中都幾好食的，又諗住冇幾耐又食晚飯，我唔想食太飽；所以就提意去意粉360度食下午茶啦。結果，我真係十分之後悔，D野十分之唔好食，比我既印像差左好遠。落完Order冇耐，凍檸茶就到啦，意粉360既檸茶，真係好飲過Pizza Hut既好多好多，雖然唔係十分美味，但係係正常囉。Pizza Hut的檸檬茶，真係飲一次罵一罵，但自己係檸茶精，出街就係要飲檸茶。嘩，老公個下午茶，真係難食到...個鐵板牛柳好似牛肉乾咁，咁大間餐廳，點解會整到D咁差既水準出黎？好彩個湯意粉都冇乜點，但老公食到黑晒面，話整到咁，係屋企煮都好食過佢啦。我點既三文魚沙律窩夫，咁...好似冇之前果D咁好食，但都OK既。其實今餐就唔係貴，加埋一都只係130有找，但就真係冇之前我印像中咁好食，覺得唔值130蚊囉。