小鍋霸 (新都城中心二期) (Closed)

放假食好啲系列出之#小鍋霸#放題。台式火鍋放題，無限時任飲任食，有15款湯底可選，用Qr code落單十分之方便，而且上菜速度快又冇漏單， 讚👍。選左個中位價$388套餐， 任食美國Prime Grade極上牛頸脊同牛肩甲肉，西班牙伊比利亞黑毛豬同無激素豬肉片。牛頸脊紋理均勻，牛味超濃，脂肪比例較少，超柔軟入口即化。牛肩胛帶有小小油花，咬落油脂香有肉汁。黑毛豬的味道香甜，肉質夠彈性有咀嚼感。無激素豬肉片咬落清爽，肉質柔軟，2者都好好味😋。海鮮亦有頗多選擇：美味魚片、鮮甜冇沙花甲、爽滑帶子、鮮味生蝦。丸類有牛丸、麻辣牛丸、爆漿濃芝牛丸、磨菇芝士心堡、奶油南瓜包，彈牙又爽滑，韮菜餃、菜肉餃、腸仔、款式多多，各食一粒己飽到不得了。另外尚有炸物,麵同各款新鮮蔬菜🥬。飲品有台式飲品，各式汽水🥤同果汁🍹。各人可選一杯雪糕有movenpick、dreyers或其他，呢餐好飽又好食，今晚超滿足。