Video
Read full review
2016-09-14
4678 views
平時都係係旺角食放題架啦，不過今次因為就朋友腳，佢又遲放工過我，所以放工就急急腳閃過去觀塘我地8點半後入座，每位要$268，點知原來第二位有88折！其實下次想食抵D，係9點半後入座都唔錯架，不過第二日番工，所以都唔食咁夜LU~坐低之後，我地都商量應該食咩好，因為見到呢D Menu都有D唔同，但我地都決定每樣試一試。首先我地點左D小食，有泰式生蝦、味付鱆魚仔、魚翅海蜇撈，用七彩繽紛既小杯裝住幾得意，每款下底都有用生菜墊底。泰式生蝦唔腥唔臭，有好多冰鎮住所以食個時仲係好冰凍，有些少蒜辣調味但不太辣，蝦身幾彈牙，爽甜平時都係食開八爪魚同螺肉，今次見到有味付鱆魚仔，緊係試下啦！佢D汁同螺肉汁一樣，好冰好爽，其實同八爪魚差不多咬感，不過比較軟林魚翅海蜇撈這個很推介，本來都幾鍾意食海蜇，呢到加入左芝麻好香，味道算屬微酸甜，海蜇同魚翅都屬於有咬口，爽口質感食落好滿意刺身方面我地每樣都叫左D，刺身盤好有趣，有一個乾冰係用迷你瓦缸裝住。三文魚雖然色水一般但食落頗有油香。最令人滿意為八爪魚、帶子、海螺刺身，鮮甜得來彈牙有口感，唔會太韌，整體感覺好新鮮。海蝦同雞軟骨串，兩者表面都有落微鹽，鹹鹹地調味但不會太
我地8點半後入座，每位要$268，點知原來第二位有88折！
其實下次想食抵D，係9點半後入座都唔錯架，不過第二日番工，所以都唔食咁夜LU~
坐低之後，我地都商量應該食咩好，因為見到呢D Menu都有D唔同，但我地都決定每樣試一試。
首先我地點左D小食，有泰式生蝦、味付鱆魚仔、魚翅海蜇撈，用七彩繽紛既小杯裝住幾得意，每款下底都有用生菜墊底。
泰式生蝦唔腥唔臭，有好多冰鎮住所以食個時仲係好冰凍，有些少蒜辣調味但不太辣，蝦身幾彈牙，爽甜平時都係食開八爪魚同螺肉，今次見到有味付鱆魚仔，緊係試下啦！
佢D汁同螺肉汁一樣，好冰好爽，其實同八爪魚差不多咬感，不過比較軟林
魚翅海蜇撈這個很推介，本來都幾鍾意食海蜇，呢到加入左芝麻好香，味道算屬微酸甜，海蜇同魚翅都屬於有咬口，爽口質感食落好滿意
刺身方面我地每樣都叫左D，刺身盤好有趣，有一個乾冰係用迷你瓦缸裝住。
三文魚雖然色水一般但食落頗有油香。
最令人滿意為八爪魚、帶子、海螺刺身，鮮甜得來彈牙有口感，唔會太韌，整體感覺好新鮮。海蝦同雞軟骨串，兩者表面都有落微鹽，鹹鹹地調味但不會太過火。
海蝦肉唔癡殼，易拆肉，煮得剛剛好，蝦身算彈牙。
雞肉骨比較多肉，有肉兼有骨，微脆香口咬得爽爽燒翠肉瓜燒到脆口，但內裡依然有水份，不會超乾。
翠肉瓜好厚肉，面頭撒上淮鹽，惹味之餘健康，怕吃青或不愛吃蔬菜的朋友可以一試。
鐵板辛味魷魚鬚，其實叫豉椒炒魷也不錯！黏黏甜甜既豉椒味，有D爽脆青椒紅椒，魷魚鬚每條都不韌，兼且入哂味，係到居然吃到大排檔風味！
食到放題少不了壽司！
必須留意就是呢到既壽司飯唔係普通既白飯，要知道食放題最多人唔鍾意就係食壽司既飯，因為太多太濟！但佢地用上左有經調味過既飯，可以睇得出黃黃地，但食唔出係咩味道，有些少油香，而每舊壽司既飯比例都唔會好多，令大家食到開心之餘都唔會食太濟，超有心思！
柚子風油甘魚用柚子帶出清爽鮮甜，略微油香啖啖齒頰留香。七味辣牛肉有大量蔥花係面，超香而且牛肉超軟綿。
帆立貝和鰻魚都用燒汁點綴，香甜濃澀的燒汁配上鰻魚和帆立貝，可以算話經典組合。
火焰蟹棒略嫌上面醬汁少，蟹棒壽司的話妹豬係鍾意食好多醬汁既人，不過蟹棒真係好厚肉，啖啖YUMMY！
黑松露三文魚壽司，一啖已有好香濃黑松露味道，三文有油香且冇筋，線條分明。
來到新菜色特色壽司，我地每樣都叫左D，有花之戀、海膽親子卷、香蔥拖羅脆餅最得意既係香蔥拖羅脆，上頭一圈圈洋蔥絲與蟹籽，接落黎就係拖羅肉碎，比較黏身，再下面就係兩塊紫菜梳打餅夾住米飯，無論質感上與味道都幾有趣，壽司與梳打餅的配搭，實在新奇。
甜品選雪條，韓國雪條MELONA只剩士多啤梨與香蕉味，本想兩味一齊試，但實在太飽，食完之後都冇機會試試香蕉味。MELONA雪條大家都成日見到，試都試過，雪條士多啤梨果味配上微牛奶，偏為乳酪口味，都頗受歡迎。
點紙甜點仲叫左朱古力布朗尼與冬甩，見佢冬甩好似幾得意，決定叫黎試一下~
士多啤梨冬甩，成個面都係粉紅色，仲有D白朱古力條紋面，已經可以想像到有幾甜~食落去入面有士多啤梨漿，好甜！同埋麵包食落會有D濟
朱古力布朗尼好香濃朱古力，質感澀澀地，但係食落同出面食到既布朗尼差無幾，細細舊幾的骰，一啖就吞落肚！
小食方面好滿意，係出面食唔到既，尤其係泰式生蝦、味付鱆魚仔、魚翅海蜇撈，令我有好深刻既印象。
Post
