黑木 (Closed)

今次同朋友去了間不錯嘅串燒店，雖然主打串燒，但亦有其他食物選擇，而個人推介就係汁燒豬鞍架，廚師將一份豬鞍切開，見到中間同外面沾滿了醬汁嘅分別，豬鞍燒得十分香軟，陣陣香味撲鼻！入口時肉質十分軟熟嫩滑，十分好味！朋友點了燒龍躉串，龍躉肉質新鮮夠彈牙夠晒口感！真係啖啖肉！一咬下去時個種啖啖肉嘅感覺十分滿足！點了杯啤酒，就配埋個黑木一夜乾 ，用馬友魚燒，燒得肉質結實，本身唔多骨，入口夠晒香口！佐酒佳品!白鱔，白鱔皮燒得十分香脆爽口，而白鱔肉彈牙爽口，完全感受到白鱔嘅肥美！芝士年糕亦燒得十分香軟，外面脆口，內裡十分軟熟煙韌，加埋濃郁嘅芝士，入口份外好味！而最後加埋個木魚絲飯團，一樣燒得十分香脆可口，而木魚絲與飯混埋在一起，入口時會感到陣陣嘅香味！食完個人都真係可以鬆一鬆，放下工作煩惱！