DKLM Bar & Restaurant (Closed)

今晚放工約了朋友去飲杯，朋友推介了這裡，平時行過都唔知這裡原來是間Bar，一出升降機就係間Bar，入去中間有一張桌球枱供在場人仕使用，而座位都舒適，真係十分適合一班人放工搵個地方鬆一鬆，座下就有杯脆脆小食奉上，親住Happy Hour 時段加埋杯啤酒，又真係一件樂事，除了飲之外，估不到這裡嘅有不同選擇嘅食物選擇，今晚就點了個安格斯迷你漢堡伴車打芝士及松露薯條，賣相唔錯有兩個迷你安格斯漢堡，但中間塊安格斯牛肉都係十分厚身，入口包身脆口，安格斯漢堡肉質結實，夠晒味道！而配埋嘅車打芝士及松露薯條，香脆薯條帶松露香味，加埋車打芝士，真係味道十足，加埋杯冰凍啤酒絕對係人生一大樂事！這裡還有我最愛嘅水牛城雞翼，炸得十分香脆之餘，裡面肉質亦十分嫩滑軟熟，一邊飲杯，一邊享受美食，又有波枱玩，喜歡睇足球又有電視播主，咁放工又可以多個地方選擇了！