Moreish & Malt (鴻圖道) (Closed)

同班同事由此仲有大把野傾，傾下大家既出路，所以放工好即興咁去咗觀塘哩頭坐低飲杯野，食下野。四個人，每人叫咗個小食再加野飲，埋單每人$150，好合理既價錢。講番食物：牛油果三文魚籽蟹肉脆餅，哩個係同事推介，佢話試過幾好味，確實食落味道幾好，放面既三文魚籽都冇我最怕既腥味。黑松露沙律薯條係我叫，啲sauce都夠點薯條，同埋幾香黑松露味，自己幾鐘意。亞洲風味雞翼(大)，味道普通到唔普通，即係食完都唔會記得陣味個啲。燒牛脷，由於我唔食牛脷，評論唔到仲有杯smoothie，幾香芒果味。