一品雞煲火鍋

Open Now

Now Closed

今日收工同幾個同事突登黎荃灣黎食火鍋。同事話呢間幾好所以一於試下。要食呢要一早黎先有位，我地等左10分鐘左右先有位。雖然唔係任食，但食物味道超正尤其是飲品超大杯(可惜忘記影相，一杯雖然要30幾蚊，但物超所值。一杯飲品頂出面茶餐廳4至5杯。我叫左杯凍檸茶，裡面有成一個檸檬，出面凍檸茶一般都只有2至3塊。)座位幾闊。阿姐好nice又好好傾。雞煲少麻少辣裡面有好多肉，唔會淨係得骨頭。肥牛。同平時火鍋既牛肉有少少唔同，佢比較厚身少少，加埋雞煲個汁好正菜估唔到有洋蔥叫...我個人覺得可以唔使叫呢個...呢度有牛肉滑同墨魚滑，仲有一款滑忘記了名字。款款都大大份。