串燒堂 (Closed)

辛勞一日最鍾意同同事去食下串燒啤一啤，今次揀咗串燒堂，見佢做緊半打優惠，營業時間係16:00-02:00，啱晒幾個同事放工嚟一邊食一邊吹水，想食夜啲都唔怕絕味雞軟骨 燒雞腎 燒肥牛金菇絕味雞軟骨落咗好多味粉孜然粉一齊燒，燒完仲食到軟骨，唔會縮水乜都冇，比我想像中大粒，有少少辣但可以接受雞腎一啲都唔乾，仲好爽口，唔會𡁻擦膠，送啤酒一流燒肥牛金菇好juicy, 金菇吸晒啲汁同牛香，成舊擺入口好滿足燒豆卜 燒土豆片 燒菠蘿好少點燒豆卜，原來燒完係咁香脆，一邊傾計一邊食，食下食下又俾我食晒成串🤣燒土豆片都幾清爽嘅感覺，落埋孜然粉好惹味必點燒菠蘿！燒過嘅菠蘿比平時就咁當生果食嘅更香甜，食完咁多咸食食呢個可清下味蕾嫌仲未夠喉追加咗個燒雞肉棒同燒雞翼，兩樣都啖啖肉，為呢個串燒聚會畫上完美句號食咗咁多嘢飲埋嘢都係每人二百蚊左右，坐得又舒服，下次會再嚟！