發哥粥底海鮮火鍋 (Closed)

要過海去九龍灣見客，索性約朋友食晚飯才回家。食悶咗商場，今次去工廈附近搵食。發哥粥底海鮮火鍋喺工廈裏面，裝修、環境好乾淨，坐得舒服。我哋點咗海蟹餐，等個火鍋上枱前，先上每位一盅燉湯，花膠蟲草燉雞，十分滋陰，好味。仲包埋前菜2款、冰鎮鮑魚同焗青口， 味道不錯，估唔到會有前菜同小食。先用粥水打邊爐，最後先加米落去煮。個餐除咗海鮮，仲包咗8款食物，選擇多，份量亦好足夠。海鮮新鮮，份量亦算多， 有奄仔蟹、蝦、蟶子、貴妃蚌、卜卜蜆、魚，每款都好鮮甜新鮮。其他散叫食物質素也不錯，肥牛最好味，肉質嫩滑，建議叫多碟。食到飽飽，伙計幫我哋煮埋個粥，食飽飽離開，大滿足。