方叔叔重慶老火鍋 (太子集團中心)

Open Now

Now Closed

火鍋癮定時發作，放工鬆一鬆就近港鐵舒舒服服食番餐麻辣鍋。火鍋價錢以每位計，計落係平。招牌鴛鴦麻辣鍋我揀左重慶辣拼皮蛋香菜，一邊係靚皮蛋馬蹄，一邊係麻辣感十足嘅湯底，最滿足嘅食法！海鮮例如鮮活海蟶、鮮龍躉片、珊瑚蚌，都好新鮮，蟶子同珊瑚蚌爽爽。龍躉片超厚又大塊，無咩骨，焯兩焯就食得又好味。嫩牛肉、手打四寶丸、手打墨魚滑都係超級正，牛肉口感味道似牛肉腸粉裡面嘅牛肉咁，係再厚肉同滑d，四寶丸（牛、豬、蝦、墨魚丸）都彈牙嘅，最正係個牛丸成粒牛肉球咁有少少芫茜香。淥十秒鮮腐竹入口好濃豆味，淮山條有紫淮山，粉中帶爽脆。呀仲有手工萵荀片淥幾十秒清新爽口，皇帝菜、鮮鴨血、鮮滑魚麵、藕片等等都幾好食的。飲品方面size超級誇張，生津止渴楊梅汁成渣啤酒咁大杯，味道酸酸甜甜幾開胃解辣。呢度夠闊夠景觀開揚望到海景，鬆哂！