Joe's Billiards & Bar

Open Now

Now Closed

疫情關係，真係好耐無去過酒吧飲野傾計，今次終於去到一間尖沙咀上樓bar輕鬆一下，真係幾開心，而且估唔到佢既野食仲要幾正。因為飲野關係，我地叫既野食都係送酒小食，不外乎都係煎炸野。依間酒吧煎炸野都幾出色，可惜掛住食無影到薯條🤣。佢既薯條好好食，炸得剛剛好，唔會太厚粉，外脆，內香軟，啖啖香口薯仔肉，普普通通點下茄汁都已經好足夠。炸雞配薯條本身對依個小食無乜期望，諗住都係普通又乾又鞋口既炸雞肉，始終酒吧都唔係食野為主，但佢個炸雞都做得幾好，炸完都保持到肉汁，唔係炸定再翻炸既街邊小食層次，我地一共叫左兩盤依款炸粒薯條，所以都想推介大家試試。👍🏻同埋依間酒吧最特別係有枱波打，雖然我唔識打，但幾個朋友一齊玩一個鐘都幾開心，而且無記錯都唔太貴，好似百幾蚊一個鐘，尖沙咀黎講都算係咁。👍🏻Overall黎講間吧都算唔錯，價錢都合理，唯一唔係好當晚食物選擇比較少，可能因為疫情，廚師都唔洗番工，希望可以早日回復正常。