三木日本料理 (Closed)

之前同大哥大來過2次，都覺得好唔錯，所以今次打算再來encore，希望再有驚喜!每張檯送上刺身一份鮮蝦及特大帆立貝，肉質厚又味道鮮甜，没有雪藏的味道。一句到尾，就係新鮮，新鮮就係好味。罐裝啤酒  任點任飲! 不過如果要駕車的話，就千祈咪飲!壽司真係好有驚喜，除左款式遠多過出邊之外，喜歡它們的料都比飯多，仲來得好足! 尤其係火炙壽司，種類特别，係必點之物! 軍艦也不能錯過，飯也不太死實!好多時去出面食放題，佢地都會漏單，尤其是係壽司! 但呢度就來得好足, 而且仲擺得好靚仔。手卷既紫菜好脆口，飯都握得唔錯，餡都係滿的。沙律夠清新，又可以增加胃口。千祈唔好睇輕這個黑松露忌廉湯，真係既creamy又好飲!串燒食物多樣化又調製得好，烤得夠火喉夠香口，又唔會太乾身，但菠蘿就烤得比較一般。係時候食甜品，雪糕係日本來貨不過我唔方便食(每個月總有幾日)，咁食泡芙就無走雞，點知泡芙中間嘅忌廉硬到似雪糕，好味就真係好味，不過自己就長紅囉。每人約 $300 ，剛剛好無穿我既$300底線. 以刺身既新鮮度和燒物既認真來講的確係不錯，希望今次放縱之夜，唔會增肥啦!