海雲天

Open Now

Now Closed

紅磡海雲天食晚市小菜放題，經過之前點心放題，對於今次晚市放題唔抱太大期望。晚市放題會有以下不是任食：每人半隻龍蝦，另外有5選3嘅菜式都唔係任食，試過鵝掌，乳鴿，同埋雞燉翅都好食，龍蝦最差，肉質過老太實。飲品方便有紅白酒，啤酒，橙汁汽水都係任飲，但需要自己出外面拎。任叫任砌部份就用手機掃QR code，第一轉點心，燒味同埋海蝦都好出色燒鵝夠肥夠香；燒腩仔皮脆鬆化叉燒入味夠淋；蝦餃，小籠包，灌湯餃，蛋散，紅棗糕，同埋紅豆沙，仲有個流沙包都唔差，除此之外碟白灼蝦好新鮮好爽口。接住到小菜，總括嚟講仲有幾款小菜唔錯，就係黃金苦瓜，咸菜豬肚湯，小炒皇，鮑汁雞腳，咕嚕肉，同埋片皮鴨。由於太滿足，試唔到甜品同麵飯。整體今晚嘅放題超出預期，喜出望外，加上侍應都有禮貌同收碟都好快。