Video
Read full review
2015-09-10
663 views
今次同幾個朋友一齊去，務求可以試多D唔同既野食。落單無幾耐先上黎既係刺身類，所有野都好新鮮，三文魚食落口好腍，油脂唔算太多，所以幾適合喜歡有口感的我，之後再試下兩種蝦，紅色既甜蝦肉質較軟，亦都好滑溜，真係可以食唔停口，虎蝦肉質就比較實D，食落係爽口既感覺，其他刺身我雖然無試，但我D朋友食過都話幾好，佢地都是對食好奄尖既人，相信其他刺身既愛好者都一定唔會失望。之後我仲試左兩款壽司，第一款係花之戀壽司，外面既三文魚肉厚薄適中，包住里面既飯唔會好鬆散，醋既酸度亦都o岩o岩，上面加上脆卜卜既魚子同沙律醬，簡直係多重味覺同口感既享受。第二款係韓風汁帆立貝壽司，帆立貝清理得好乾淨，食落好鮮甜，加上面頭既酸辣醬汁，好醒神同好開胃。炸物方面，我都食左唔少，第一樣係南蠻炸雞中翼，炸粉夠薄，唔會食到一層厚厚既炸粉，相對係好充實既雞肉，肉質仍然是嫩滑的，雞翼本身就有小小咸香，相信係同本身既腌料有關。第二樣係吉列炸蠔，外面炸得好脆，里會則是是Cream既質地，仲好有蠔本身既鮮味。第三樣係炸芝士年糕，脆脆既表面包住完全融化既芝士在里面，咬一啖往外拉，可以拉成一條長線，食落十分軟滑濃稠。第四樣係芝士薯波，里面既薯
落單無幾耐先上黎既係刺身類，所有野都好新鮮，三文魚食落口好腍，油脂唔算太多，所以幾適合喜歡有口感的我，之後再試下兩種蝦，紅色既甜蝦肉質較軟，亦都好滑溜，真係可以食唔停口，虎蝦肉質就比較實D，食落係爽口既感覺，其他刺身我雖然無試，但我D朋友食過都話幾好，佢地都是對食好奄尖既人，相信其他刺身既愛好者都一定唔會失望。
之後我仲試左兩款壽司，第一款係花之戀壽司，外面既三文魚肉厚薄適中，包住里面既飯唔會好鬆散，醋既酸度亦都o岩o岩，上面加上脆卜卜既魚子同沙律醬，簡直係多重味覺同口感既享受。第二款係韓風汁帆立貝壽司，帆立貝清理得好乾淨，食落好鮮甜，加上面頭既酸辣醬汁，好醒神同好開胃。
炸物方面，我都食左唔少，第一樣係南蠻炸雞中翼，炸粉夠薄，唔會食到一層厚厚既炸粉，相對係好充實既雞肉，肉質仍然是嫩滑的，雞翼本身就有小小咸香，相信係同本身既腌料有關。第二樣係吉列炸蠔，外面炸得好脆，里會則是是Cream既質地，仲好有蠔本身既鮮味。第三樣係炸芝士年糕，脆脆既表面包住完全融化既芝士在里面，咬一啖往外拉，可以拉成一條長線，食落十分軟滑濃稠。第四樣係芝士薯波，里面既薯仔係一粒粒既，但已經熟到腍曬，而芝士就直接融o係每一顆小薯粒中面，味道一流。
因為放題唔想食太多澱粉質既關係，手卷方面我淨係食左軟殼蟹手卷，軟殼蟹是炸的，炸得好透徹，放心大口大口食落去，完全不用擔心會有殼或太硬的情況，當然里面還是食得出有蟹肉的味道，除此之外仲有兩片青瓜同小小蟹籽，用紫菜把它們和飯包起來吃實在好滿足，手卷亦不會太大件，兩三啖就可以把它完成了。
接住落黎係燒物，我率先試左鹽燒牛舌，因為呢個係我既至愛，每一串牛舌有兩片，每片的size唔算大，剛剛好一啖一片，燒的程度十分恰到好處，外面開始結實，而內里仍是半生熟的，食落肉汁豐富，爽口彈牙。再黎就係牛油燒栗米，粟米本身就好甜，燒的火侯也剛剛好，每粒粟米都燒得脹卜卜，不會乾身，牛油味也很重。跟住再上既就係鹽燒雞翼，外皮燒到有小小脆，里面既肉亦都已經熟透了，肉汁也有保留住。再來是黃金焗蠔，芝士多到將蠔覆蓋起來，焗到剛剛好表面呈黃色，里面既蠔肉仍有小許嫩滑，而且一D都唔腥，混雜起芝士一齊吃，格外滋味。
最後，有一張升級體驗既menu，本人覺得一定要試埋，因為里面所有野都係物超所值，第一樣我既推介係火灸柚子和牛壽司，和牛只有表面被燒熟了一小點，封住了肉汁之餘又不會令當中既油脂融化流失，一啖食落去有小小柚子既清新和微酸，剛好中和了油膩既感覺。之後仲食左汁燒豚小排同炭燒紐西蘭羊架，兩者都是熟得剛剛好，一點也不韌，肉汁仍然保留得到，重點是羊架一D都唔騷，所以怕騷既人都可以照食無誤。餐廳服務很好，收碟速度很快，上菜既時間都好迅速，唔會浪費時間在等，每次既份量都好足，整個過程都好充實，絕對可以食得好又食得飽離場。
Other Info. :
50蚊升級體驗淨係兆萬個間先有。
(The above review is the personal opinion of a user which does not represent OpenRice's point of view.)
Post
