Video
Read full review
2017-07-22
1245 views
尋晚同男朋友去慶祝拍拖一週年，為左多謝佢呢一年對我好好，所以就請佢食餐好當報答佢既然請佢就當然比佢話事諗食咩，點知佢話記得我早一個星期話想食放題，所以佢就上OPENRICE睇下邊到有放題食，睇到三木D人評語唔錯，而且近佢公司，就BOOK左7點半去食啦。一去到，見到都好多人食緊，我地喺門口等左陣好快就入得，好彩BOOK左位！如果唔係應該要等到8點先有位。而且一入去就聞到好看嘅燒烤味，原來要加唔記得20蚊定30蚊就可以任食燒海鮮仲每人送一份珍寶海鮮，即係有蟹蓋、大蜆、珍寶帶子同鮑魚，我同男朋友傾完都決定加錢！因為我地都好鍾意食海鮮佢呢到都有好多款唔同嘅野食，刺身邊面我最鍾意食佢嘅象拔蚌、三文魚同甜蝦！我的最愛壽司方面有海膽、炙燒左口魚、花之戀等等。都算多花款，仲有好多天婦羅、燒物同炸物等熟食，不過我掛住食無乜點影相，哈哈！值得推介芝麻雞翼同芝士年糕！我地兩個Encore左三次芝麻雞翼！無幾耐燒物就到，職員好細心咁同我地講點燒會好D，周不時行過都會睇下我地燒成點。海鮮方面都幾鮮甜，最有驚喜係鮑魚，因為好甜好鮮味，個蟹蓋都好特別，因為第一次咁樣食，蟹膏、蟹肉加蛋再加蟹子，幾好食！另外，有隻蜆唔
既然請佢就當然比佢話事諗食咩，點知佢話記得我早一個星期話想食放題，所以佢就上OPENRICE睇下邊到有放題食，
睇到三木D人評語唔錯，而且近佢公司，就BOOK左7點半去食啦。
一去到，見到都好多人食緊，我地喺門口等左陣好快就入得，好彩BOOK左位！如果唔係應該要等到8點先有位。
而且一入去就聞到好看嘅燒烤味，原來要加唔記得20蚊定30蚊就可以任食燒海鮮仲每人送一份珍寶海鮮，
即係有蟹蓋、大蜆、珍寶帶子同鮑魚，我同男朋友傾完都決定加錢！因為我地都好鍾意食海鮮
佢呢到都有好多款唔同嘅野食，刺身邊面我最鍾意食佢嘅象拔蚌、三文魚同甜蝦！我的最愛
壽司方面有海膽、炙燒左口魚、花之戀等等。都算多花款，仲有好多天婦羅、燒物同炸物等熟食，
不過我掛住食無乜點影相，哈哈！值得推介芝麻雞翼同芝士年糕！我地兩個Encore左三次芝麻雞翼！
無幾耐燒物就到，職員好細心咁同我地講點燒會好D，周不時行過都會睇下我地燒成點。
海鮮方面都幾鮮甜，最有驚喜係鮑魚，因為好甜好鮮味，
個蟹蓋都好特別，因為第一次咁樣食，蟹膏、蟹肉加蛋再加蟹子，幾好食！
另外，有隻蜆唔知點解燒左五分鐘都唔肯開殼，職員都即刻換過隻比我地！服務好好呀！！
最後食到捧住個肚，都一定要食埋甜品！哈哈～
我叫左個焦糖燉蛋，個蛋好滑好好食，係略嫌塊焦糖厚身左少少，如果少Ｄ糖會好食D
不過我見隔離枱有個女仔一次過食左三杯，哈哈！
另外仲叫左個3.6牛乳布甸，真係好香好滑好重牛奶味！勁正！好飽嘅情況下我都食左兩杯！
3.6牛乳布甸!正!
38 views
0 likes
0 comments
男朋友叫左木糠布甸，個樣好靚，好似個小盆栽咁
係略嫌甜左少少同埋佢得一層CREAM同一層木糠，
如果可以做多兩、三層，個口感會出D同有層次D
同埋佢呢到有不同款式嘅維記雪糕，我同男朋友無食到，
但我地見佢有個別包裝嘅GELATO，就兩份試左一舊，都幾得意同幾重牛奶味！
總體黎講都幾滿意!會再返黎呀～
臨走時見佢有做午市，價錢唔算貴，男朋友話下次會帶同事過黎食下～
Post
