響葫蘆 燒物 . 居酒屋 (Closed)

*不。是。試。食。請查清楚。謝謝*今日上網睇下尖沙咀有邊間放題唔使同人迫，比我搵到呢間。6點幾上到去仲早所以唔迫人。啦啦聲落單先，店子唔大但選擇算係多，總之夠食，又有自助飲品櫃。叫左小小熱食先，牛脷中規中矩唔韌，鹽燒幾入味。日本蕃薯幾甜、易食，用籠仔幾得意，蒸既唔熱氣。天婦羅幾香脆。沙律就太多沙律醬。多春魚燒香左個皮幾有口感。到刺身同壽司：大部分刺身選擇我都點晒，有光澤幾新鮮爽口，又夠凍！唔錯！燒過既壽司好香口我encore左幾次！壽司飯唔鬆散，醋味又岩岩好。不過沙律醬真係唔係我杯茶～