天池日式放題 (Closed)

12月臨近聖誕特別多飯局，同朋友兩個去食放題，不嬲對放題無咩興趣，不過食過哩間改觀左，原來放題d嘢食都可以做到咁精緻好食。我覺得加$88 升級價錢都合理，因為嘢食質素算值。係咁多種嘢食，我最印象深刻嘅竟然係壽司，通常食放題寧願食多幾件刺身，怕壽司有飯會好快飽，不過哩到嘅壽司🍣細細件之餘，係好食的！特別推介黑松露帶子壽司！另外，仲有個牛舌都好ok ,可能我本身鍾意，燒得都唔錯。燒菠蘿都好食，上面仲有一層蜜糖。甜品就一定要試個榴槤炸彈，勁重榴槤味，榴槤雪糕反而覺得麻麻，寧願食多粒榴槤炸彈。總括黎講，價錢係合理，味道係超出我原本所想